ڕۆژی ٤ ی کانوونی دووەمی مانگی ١٢، هاوبەشەکانی APPRAIS لە شاری هەولێر کۆبوونەوە بۆ بەشداریکردن لە کۆنفرانسی کۆتایی پرۆژەکە، کە لەلایەن وەزارەتی خوێندنی باڵا و توێژینەوەی زانستی حکومەتی هەرێمی کوردستان لە عێراق و UNIMED، ڕێکخەری پڕۆژەکەوە میوانداری دەکرا. زیاتر لە سەد ئامادەبوو بەشدارییان لە چالاکییەکەدا کرد، لە هەردوو دامەزراوەی هاوبەش و ناهاوبەش لە نێوان سەرۆکی زانکۆکان، جێگری سەرۆک زانکۆکان بۆ کاروباری زانستی و کاروباری خوێندکاران، ڕاگرەکان، یاریدەدەری ڕاگرەکان، بەڕێوەبەرانی دڵنیایی جۆری و ئۆفیسەکانی پەیوەندییە نێودەوڵەتییەکان و هەروەها نوێنەرانی خوێندکاران.
”کۆتایی هاتنی پرۆژەی APPRAIS سەرەتایەکی نوێیە بۆ هاوکاری لەگەڵ زانکۆ کوردییەکان”. ئەمە ئەو پەیامە سەرەکییە بوو کە د. محمد حسێن احمد، بەڕێوەبەری گشتی بەرپرسی ئامێری چاودێری و دڵنیایی جۆری لە وەزارەتی خوێندنی باڵا و توێژینەوەی زانستی لە حکومەتی هەرێمی کوردستان، لە میانی وتاری بەخێرهاتنەکەیدا بڵاویکردەوە. پەیامێک، کە بەڕێوەبەری UNIMED، د. مارسێلۆ سکالیسی، لەسەری ڕازی بوو بە دووپاتکردنەوەی پابەندبوونی UNIMED وەک تۆڕێک لە زانکۆکان بۆ بەردەوام بوون لە پشتگیری کردنی زانکۆ کوردییەکان لە دەرەوەی پرۆژەکە، و بە نێودەوڵەتیکردنی زانکۆکان، و لە بەدەستهێنانی ستانداردە نێودەوڵەتییەکان لە قۆناغی چاکسازی بەڕێوەبردنی باشدا. لە کۆتاییدا پەیامێک کە لەلایەن کونسوڵی ئیتالیا، د.میشێل کامیرۆتا، لە کونسوڵخانەی ئیتالیا لە هەولێر بڵاوکرایەوە کە بە توندی جەختی کردەوە لەسەر بەهای ئەم پرۆژە سێ ساڵییە بۆ دامەزراوە کوردییەکان، و نەک تەنها، هەروەها بۆ هاوبەشەکانی یەکێتی ئەوروپا و تیشک خستنە سەر ئیرادەی کونسوڵخانەی ئیتالیا بۆ بەردەوامبوون لە هاوکاری لەگەڵ سیستەمی خوێندنی باڵای کوردیدا.
ئەم ڕووداوە کۆتاییە بڕگەی سەرەکی پڕۆژەی APPRAIS ی نیشاندا، کە هاوبەشەکان ئەگەری ئەوەیان هەبوو هەموو ئەو ئەنجامانەی بەدەستهاتوون بیخەنە ڕوو، هاوبەشی بکەن بە دەستکەوتە باشەکان لەگەڵ زانکۆ و دامەزراوە کوردییەکانی دیکەی ناوچەکەدا.
بەشی یەکەمی کۆنفرانسەکە تیشک خرایە سەر خستنەڕووی سەرجەم چالاکییەکانی جێبەجێکراو و ئەنجامەکانی بەدەستهاتوون، هەر لە ڕوانگەی دامەزراوە کوردییەکان و هەم لە ڕوانگەی دامەزراوە ئەوروپییەکانەوە. APPRAIS بە هەڵسەنگاندێکی وردی پێداویستییەکان دەستیپێکرد، بۆ دروستکردنی بنەمایەکی پتەو کە بنیاتنانی تواناکانی لەسەر دامەزراوە. زانکۆ کوردییەکان سوودیان وەرگرت لە فێربوون لە هەڵە و دەستکەوتەکانی زانکۆکانی ئەوروپا، بیریان کردەوە لە گونجاندنی پرۆسەی بۆڵۆنیا لە چوارچێوەی زانکۆکانی خۆیاندا. پاشان ماراسۆنی تواناسازی دەستپێکرد: چەندین شوێنی جیاواز (ئۆسلۆ، سلێمانی، پیزا و ئیڤۆرا، ڕۆما و مورسیا) گەشتێکی دوور و درێژ، چەندین ڕاهێنراو بەشداربوون، هەموویان گەیشتنە هێڵی کۆتایی بەڵام بە خێرایی خۆیان. APPRAIS MOOC ،کۆکردنەوەی هەموو سەرچاوەکانی ڕاهێنان کە لە ناو پرۆژەکەدا پەرەی پێدراوە، وەک پردێک کاری کردووە لە نێوان CB و ڕاهێنانی ناوخۆیی کە تێیدا کۆی فێرخوازان زیادکرا. نەرمە کاڵای APPRAIS لەسەر بەڕێوەبردنی دڵنیایی جۆری لە توێژینەوە، ئەرکی سێیەم و خزمەتگوزاری خوێندکاران، یەکێکی تر بوو لەو ئەنجامە سەرەکییەکانەی کە هاوکاری و ماندووبوونی کۆمەڵەی APPRAIS بۆ سوودی هەشت دامەزراوەی حکومەتی هەرێمی کوردستان هێنایە ئاراوە، بە ئامانجی کۆتایی بەهێزکردنی تواناکانیان بۆ دڵنیابوون لە ستانداردێکی کوالێتی بەرز لە توێژینەوە، بەشداریکردنی خوێندکاران و گەیاندنی. لە کۆتاییدا زانکۆ کوردییەکان کاریان کرد لەسەر نەخشە ڕێگای خۆیان بۆ جێبەجێکردنی پرۆسەی بۆڵۆنیا، وەک ڕێنماییەک بۆ پێداچوونەوە بە پلانە ستراتیژییە دامەزراوەکانیان و ڕاهێنانێکی فێرخوازانیان پێشکەش بە هاوکارەکانیان کرد لە نێوان ستافی ئەکادیمی و کارگێڕیدا، دەربارەی ئەو بابەتانەی کە لە کاتی خۆیدا لە لایەن هاوکارە ئەوروپییەکانەوە ڕاهێنرابوون.
پلانە ستراتیژییە دامەزراوەییەکان پێشکەشکران. لە نێوان ئامانجە سەرەکییە دڕێژخایەنەکانی زانکۆ کوردییەکان: پاڵنەری دەرکەوتن لەسەر ئاستی نێودەوڵەتی، توانای ڕۆڵ گێڕان لە سیناریۆی نێودەوڵەتیدا، هەنگاونان لە دڵنیایی جۆرییەوە بەرەو باوەڕپێکردن، وەک بڕبڕەی پشتی سیستەمی خوێندنی باڵا، جێبەجێکردنی شێوازێکی بەشداریکردن کە خوێندکاران و مامۆستایان و لایەنە پەیوەندیدارەکان و سەرکردەکان بەشداربن لە بڕیارداندا، برەوپێدانی دامەزراندن و پەیوەندی لەگەڵ بازاڕی کاردا، و جێگیرکردنی ئامانجەکانی گەشەپێدانی بەردەوام لە پلانە درێژخایەنەکاندا، بەهێزکردنی تواناکانی خولی ڕێگاکانی وانەوتنەوە بۆ گرتنەبەری شێوازێکی فێربوونی سەنتەری، گرنگیدان بە توێژینەوە وەک ئامرازێک بۆ دروستکردنی کارتێکردنێکی کاریگەر لەسەر کۆمەڵگا.
لە بەشی دووەمی کۆنفرانسەکەدا تیشک خرایە سەر پێشکەشکردن و هاوبەشی پێکردنی هەموو دەرفەتەکان بۆ زانکۆ ناهاوبەشەکان بە مەبەستی سوودوەرگرتن لە دەرئەنجامەکانی APPRAIS. هاوبەشەکان بینەرانیان ناساند بە ئەو ئەگەرانەی کە لەلایەن MOOC ەوە پێشنیارکرابوون، پێشنیارەکەش ئەوە بوو کە MOOC وەک ئامرازێکی ڕاهێنان کراوە بێت بۆ هەموو فێرخوازانی ئارەزوومەند، بە مەبەستی پەرەپێدانی کارامەیی بۆ پێشکەوتن لە جێبەجێکردنی پراکتیکەکانی بەڕێوەبردنی باش، پەسەندکردنی دڵنیایی جۆری و پرۆسەی بۆڵۆنیا. پاشان ڕێکخەری پرۆژەی UNIMED بە هاوبەشی لەگەڵ وەزارەتی خوێندنی باڵا و توێژینەوەی زانستی حکومەتی هەرێمی کوردستان ئەگەرەکانی گەورەکردنی ڕاهێنانی فێرخوازانیان خستەڕوو، کە هاوبەشەکانی پرۆژەکە ڕایانگەیاند کە ئەوان ئامادەن ڕاهێنان پێشکەش بەو ستافانە بکەن لە زانکۆ ناهاوبەشەکان، و لە کاتی دانیشتنە تایبەتەکانی ڕاهێنانی ئامادەبوواندا ئەزموون و زانیارییەکانیان لەگەڵ زانکۆ کوردییەکانی تردا بەیەکەوە باسکرد.
جگە لەوەش، بە لەبەرچاوگرتنی پەسەندکردنی داهاتووی APPRAIS بۆ باشتر بەڕێوەبردنی دڵنیایی جۆری لە توێژینەوە، ئەرکی سێیەم و خزمەتگوزاری خوێندکاران لە لایەن سەرجەم زانکۆ کوردییەکانەوە، لە ماوەی پاش نیوەڕۆدا کۆمپانیای Awrosoft بانگهێشتکرابوو بۆ بەشداریکردن و پێشکەشکردنی دەستکەوتە گەورەکە پێكەوە لەگەڵ وەزارەتی خوێندنی باڵا و توێژینەوەی زانستی حکومەتی هەرێمی کوردستان. هەردووکیان تیشکیان خستە سەر بەها و سوودی ئەم ئامرازە بۆ سیستەمی خوێندنی باڵای کوردی لە باشترکردنی بەڕێوەبردنی دڵنیایی جۆری لەو ڕەهەندانەی سەرەوەدا، و پابەندبوونی خۆیان دووپاتکردەوە لە فراوانکردنی بەکارهێنانی ئەم ئامرازە بۆ دامەزراوەکانی تر دوای قۆناغی تاقیکردنەوەی ئێستا لە لایەن هەشت هاوبەشەکەوە. هەروەها ڕووداوی کۆتایی APPRAIS بەشداریکردنی ژمارەیەک خوێندکاری زانکۆی سەلەحەدین-هەولێری بەخۆۆوە بینی، کە داوایان لێکرا دیدگای خۆیان لەسەر لایەنە باش و خراپەکانی پرۆسەی بۆڵۆنیا باس بکەن. خوێندکارەکان زۆر چالاک بوون لە گفتوگۆکەدا، و چەند پرسیارێکیان ئاڕاستەی قسەکەران کرد. خوێندکارەکان جەختیان کردەوە لەوەی بە جێبەجێکردنی پرۆسەی بۆڵۆنیا، سیستەمەکە بە شێوەیەکی بەرچاو باشتر بووە. بەڵام هێشتا خوێندکاران ڕۆڵێکی پەراوێزخراویان پێ پڕکراوەتەوە. ئەوان جەختیان کردەوە لەسەر گرنگی گوێگرتن لێیان لە لایەن ئیداری زانکۆوە، هەروەها لەلایەن مامۆستایانەوە بۆ ئەوەی ببنە بەشێکی چالاک لە پرۆسەی چاکسازی و ئەزموونی فێربوون. لە کۆتاییدا پلانی بەردەوام بوونی APPRAIS لە لایەن ڕێکخەری پرۆژەی UNIMED، خاتوو سیلڤیا مارچیۆنی، پێشکەشکرا و هەر هاوبەشێک دۆکیومێنتێکی واژۆکرد، بە ئامانجی بە فەرمی پابەندبوون بە پەسەندکردن و جێبەجێکردنی دۆکیومێنتەکە لە ساڵانی داهاتوودا.
ڕووداوەکە ساتێکی لەبیرنەکراو بوو بۆ ئاهەنگێڕان بە بۆنەی سەرکەوتنەکان و دەستکەوتەکانی هەر کەسێکی بەتوانا کە ئەم سێ ساڵە بەشداری کردووە و بنەمای هاوکارییەکانی داهاتووی داناوە.
–